VOV4.M’nông - Tổng thống Pháp Emmanuel Macron măng nđaơ (24/2) lĕ điện tâm nchră đah Tổng thống Nga Vladimir Putin đă rlu nău ƀư tahen ta Ucraina. Wa Emanuel Macron lĕ đă Tổng thống Nga rlu dâl nău ƀư aơ n’hanh mbơh lor mbra rdâng đah ăp nău đă rmal hô. Aơ lah rơh điện tâm nchră bôk năp bah Tổng thống Nga đah kruanh phương Tây kơp bah rnôk ntơm ƀư tahen ta dak Ucraina. Rơh tâm nchră geh tâm rnôk kruanh 27 dak tâm EU rgum rƀŭn gay n’hao ăp trong rmal geh nău ŭch n’ăp đah tahen n’hanh ƀon lan đah dak Nga, tâm nĕ rgum tâm ăp nău kan prăk kaih, ŭnh nar, ntung trong kơt rlu pă visa an nuĭh ƀon lan dak Nga.

Nuĭh rblang: Y Sưng Phê Ja