VOV4.M’nông- Ta rơh hăn rgŏ jă tâm rlong kan ta nkuăl ƀon têh Dijon mpeh luh nar ba dâng dah Pháp, Tổng thống Emmanuel Macron mhe geh rơh tâm môp ngơi mbơh rblang nău kơl ntĭm nti, nti nău kan n’hanh nkuăl ƀon têh tâm trong kan tâm rlong săch kan. Nuĭh dâk bôk năp dak Pháp lĕ an gĭt đŏng, nău tât bâh rơh uh ah ta Ukraine lĕ ƀư an rơh tâm rlong kan bâh păng ntrŭch tay âk tơ̆ n’hanh mô geh âk ăp rơh tâm mâp tâm ban kơt nău kan tâm mâp ăp nuĭh tâm rlong êng. Wa Emmanuel Macron nkah tay nău ntrŭnh mbra mô geh tât râng tâm rlach đah ăp nuĭh tâm rlong êng an tât rnôk rơh 1 lsăch kruanh ƀư lôch ta nar 10/4. Tĭng nău nchrăp, nuĭh dôl ƀư Tổng thống Emmanuel Macron mbra geh rơh tâm mâp tâm rlong têh bôk năp n’hanh mbra geh du ntŭk kan nklang ntŭk kan tài chính- thương mại La Défense, bah dih thủ đô Paris, ta nar 2/4. Ta ăp rơh ôp nău, nuĭh dôl ƀư tổng thống Pháp hôm nha leo bôk năp rơh tâm rlong đah rnoh kơl an hao âk tâm rnôk dăch aơ.

Nuĭh rblang: Thị Đoắt