VOV4.Mnông-Tổng thống Pháp Emmanuel Macron n’hanh Thủ tướng Anh Boris Johnson lĕ geh rơh tâm nchră gay ma nchră mpeh nău duh jêr aƀaơ ta nău tâm boh kan đah Nga n’hanh âk dak phương Tây văr nău Ukraine, ta năp rơh tât khâl hăn tât Nga ta nar 7/2 bâh wa Macron, tâm nĕ dơn ngoăy nchră nău đah dak bah dih hôm nha lah nău an lor dŭt têh, yơn geh mbơh phương Tây an geh nchrăp pah kan ăp rnôk geh nău tât ndal mô ueh. Tĭng nău mbơh geh điện Elysee, nĕ lah ntŭk kan Tổng thống Pháp ndơ mbơh, bar hê nuĭh leo kan Anh n’hanh Pháp lĕ tâm nchră mpeh ăp nău tât dŭt jêr njrăng dăch aơ văr nău duh jêr Ukraine, tâm nĕ geh ăp nău mbơh bâh Mỹ n’hanh Anh mpeh nău Nga n’hao tay tahen tât dăch n’har bri đah Ukraine tâm ban kơt du đê̆ nău nchih mbơh lor mpeh nău ndơm tâm rkeh. Tổng thống Pháp Macron n’hanh Thủ tướng Anh Boris Johnson lĕ tâm ban nău mĭn, tâm rnôk duh jêr aƀaơ, nău joi trong nchră nău đah dak bah dih hôm nha geh an lor bôk năp dŭt khlăy.

Nuĭh rblang: Thị Đoắt