VOV4.M’nông- Uănh năl mpeh ăp nău geh tât rơh tâm lơh ta Ukraine aƀaơ rnôk ntoh tâm bôk nău kan tâm rlong pơk ta ntuk kan ntoh rup France 5 măng nar 18/5 , Tổng thống Pháp Emmanuel Macron an gĭt, bol ma mâp geh âk nău nduĭh bâh ăp dak kan ndrel châu âu tâm ban kơt mpeh n’gâng kan Ukraine yơn păng mbra mô rnklơi nău tâm nchră sŏng dăng tay đah Tổng thống Nga Vladimir Putin tâm let năp tay. Tĭng wa Macron, nău kan aơ ntoh bâh nău ngăn an lah lĕ rngôch ăp ding an geh nchrăp na nê̆ nău kan lôch tâm lơh n’hanh nău aơ mbra mô dơi ƀư lah mô geh tâm nchră đah mpeh Nga. Tổng thống Pháp lĕ geh mât nău mĭn bâh âk năm ba năp bâh nơm an lah, bol ma nău tâm boh đah Châu âu đah Nga jêr ueh, châu âu mô dơi nklơi nău ngăn bâh ntơm n’hanh nkual neh ơm geh, Nga lah du gâl bâh châu âu.

Nuĭh rblang: Thị Đoắt