VOV4.M'nông: Kruanh Trung Quốc Tập Cận Bình kêng măng 25/2 hŏ geh rơh kuăl điện tâm nchră đah Tổng thống Nga Putin mpeh nô nău Ukraine. Wa Putin lah rjăp, mbra tâm nchră gưl têh đah Ukraine. Lah ta rơh kuăl điện tâm nchră, Kruanh dak  Trung Quốc Tập Cận Bình rnê âk, mhe aơ, nô nău mpeh luh nar Ukraine geh ăp nău rgâl ngăch, ƀư jêng nău ŭanh khlay têh lam ntŭr neh. Păng an gĭt, Trung Quốc mbra n'glêh an nău mĭn bah he nsing tâm rnoh khlay nkô̆ nău, an lah ân ntlơi nău mĭn tâm rkeh rŭ, "uănh khlay n'hanh uănh khlay ăp nău rnă njrăng tâm di bah ăp dak, jêng du nău way rnă njrăng châu Âu tâm ban, geh nău tam n'hanh nâp dăng ma rơh tâm nchră.” Păng lah rjăp Trung Quốc ŭch Nga n'hanh Ukraine nkra nkô̆ nău ma rơh tâm nchră, tâm ban kơt nău mĭn tơm n'hanh mô rgâl bah dak dja mpeh nău uănh khlay ƀư tơm n'hanh lam lĕ rngôch neh dak bah lĕ rngôch ăp dak, tĭng jăp nău way bah Hiến chương Liên Hợp Quốc.

Nuĭh rblang: Điểu Thân