VOV4.M’nông – Tổng thống Nga V.Putin mbơh, rnoh duh jêr hao ta lam ntŭr neh đă nsrôih nâp nâl lơn tay gay đăp mpăn trong kan, bôk năp lah dơi geh nău đăp mpăn lĕ rngôch mpeh rnă njrăng bah Nga bâh Mỹ n’hanh NATO. Tâm nău mbah rhơn njuăl tât ăp nuĭh bah nău kan tâm rnglăp nchră nău Nga, Tổng thống Putin lah rjăp, nău kơl tâm rnglăp nchră nău bah Nga kơl mât njrăng nău geh tâm di bah nuĭh ƀon lan n’hanh rnoi mpôl Nga ta dak bah dih, rgop mkra ăp nău tâm lơh n’hanh duh jêr tâm nkual, ƀư tơm nău khlay nău jêng nta an bah dih dơh lơn an nău hun hao bah neh dak. Bah năp nĕ, tâm du rơh rƀŭn ta dŭt khay 1, Tổng thống Putin lĕ an N’gâng kan tâm rnglăp nchră nău Nga jêh dự thảo mhe mpeh nău kơl tâm rnglăp bah dih bâh dak Nga, kơp tât ăp nău rgâl mhe ngăn tâm chính trị lam ntŭr neh 5 năm bah năp.

Nuĭh rblang: Y Sưng Phê Ja