VOV4.M'nông.- Tổng Thư ký Liên Hợp Quốc Antonio Guterres geh kuăl tay Tổng thống Nga Vladimir Putin an pah nău kan tahen ta ukraine n’hanh ndơ̆ tahen Nga plơ̆ sĭt dak nơm. Ntoh ngơi đah báo chí ta ntŭk kan LHQ nar 24/2 tĭng mông Mỹ, Tổng thư ký Guterres nkah đă, ăp trong kan ƀư êng kơt nĕ tâm rkeh đah hiến chương LHQ. Nău du ngih dak aơ geh dŏng tâm lơh rdâng tay đah dak êng lah nău dun đah ăp nău way ma ăp ngih dak lĕ geh ton mât uănh. Tổng thư ký Guteres nkre an lah ăp nuiđh ƀon lan mô geh tih an geh plơng tay dŭt âk ngăn tâm ăp rơh tâm rkeh êng. Nĕ lah nkô̆ nău mơh lơh LHQ dôl pơk hvi ăp nău kan tâm kơl tâm n’hanh văr nău Ukraine. Tĭng wa Guteres, LHQ n’hanh ăp ntŭk kan ndrel mpeh tâm kơl tâm ton gŭ tay n’hanh kơl an ăp nuĭh Ukraine n’hanh nău mât ƀon lan an geh ƀư lor bôk năp.

Nuĭh rblang: Thị Đoắt