VOV4.M'nông: Nar 11/5, Tổng thư ký Liên Hợp Quốc Antonio Guterres an gĭt păng rvê hô mpeh nău ji ngot nar lơn ma rêng lam hvi tă bah rơh tâm lơh ta Ukraine nkri tât đăp mpăn ndơ ngêt sa ta ăp nkual êng êng lam ntŭr neh. Nău mbơh bah wa Guterres dơi ndơ̆ luh tâm rnôk tâm lơh ta Ukraine n'hanh ăp nău ntrŭnh rmal Nga n'hanh Balerus hŏ ƀư rnoh khlay ngũ cốc, dak ngi, pring xăng n'hanh phân poh lam ntŭr neh hao khlay ndal. Nău dja lơn ma jêng roh đăp mpăn ndơ sa ta âk ntŭk, lơn lah ta châu Phi. Wa Guterres an gĭt đŏng ăp rơh tâm nchră dôl ƀư gay ntrơn du tay nuĭh ƀon lan ngăn luh bah ntŭk tâm lơh ta Ukraine n'hanh mpơl nău nsing nơm an lah mbra geh âk rơh ntrơn du lơn đŏng tâm let năp tay./.

Nuĭh rblang: Điểu Thân