VOV4.M'nông: Tổng thư ký Nhih pah kan tâm ton tahen Bắc Đại Tây Dương (NATO) John Stoltenberg nar 26/1, rlăch dun tay nău đă bah Nga mpeh nău mô n'glăp Ukraina n'hanh Grudia ƀư dak lăp kan nsum, nkre an gĭt hŏ  nchrăp ăp nău nkhêp tât duh jêr yơn lah rjăp ân ƀư lor trong tâm nchră n'hanh tâm boh đŏng. Lah ta Nhih pah kan NATO ta Bruxelles, Bỉ nar 26/1, Tổng thư ký Jens Stoltenberg an gĭt NATO hŏ  njuăl tât Nga ăp nău dăn đă ma si ƀŭt đah âk nkô̆ dơi 30 dak lăp kan nsum uănh an dŏng. Ngoăy tâm ăp nkô̆ dŭt njrăng uănh khlay lah NATO dun nău dơi n'glăp ăp dak dăn lăp mhe mô lah rhuăt ăp tahen luh bah neh dak ăp mpôl tâm NATO ta mpeh luh nar, bar nău đă ma Nga uănh lah "n'har gŭr". Tổng thư ký NATO an gĭt mpôl tahen tâm rgop dja hŏ nchrăp nkhêp geh nău tât duh jêr yơn bôk năp ân lor tâm nchră đah Nga./.

Nuĭh rblang: Điểu Thân