VOV4.Mnông- N’ha báo Rodong Sinmun bâh Triều Tiên rnôk nar 12/1 nchih nău mbơh bâh nuĭh leo kan Triều Tiên Kim Jong Un mbơh mhe rlong pănh grăp phao ŭnh lot dŭt ngăch ta nar 11/1 đah bôk ndrak pănh sŏng di ta ntŭk ƀah ngai rlău 1 rbăn km. Rơh rlong lĕ geh ƀư dơi. Bôk ndrak geh nău ngăch lĕ nglah bâh grăp phao ŭnh rnôk geh tâm ƀah 600km n’hanh pănh sŏng di ntŭk lĕ nchrăp ta dak lêng đah ntŭk tâm ƀah rlău 1 rbăn km. Ta năp nĕ, n’gâng kan mât rnă njrăng Hàn Quốc mbơh Triều Tiên lĕ pănh dơi du ntil ndơ mpăr geh năl lah grăp phao ŭnh bôk ndrak mpeh dak lêng Nhật Bản. Hội đồng mbơh nău kruanh liên quân Hàn Quốc ntơm geh mbơh grăp phao ŭnh mpăr dŭt đê̆ lah 700km, nău prêh lah 60km. Hội đồng Bảo an LHQ n’hanh Nhật Bản lôch nĕ lĕ ngăch ndơ̆ nău mbơh ta năp nău kan aơ.

Nuĭh rblang: Thị Đoắt