VOV4.M’nông: Hội đồng Tham mưu trưởng rmôt tahen Hàn Quốc mhe mbơh, Triều Tiên ôi ơm lơ 25/5 lŏ păng du du grăp phao ŭnh tâm nkuăl mpeh ba dih dak lêng mpeh ba dâng bah dak aơ. Rmôt mât dak lêng Nhật Bản kŏ nkah nau kơt nê mpeh du nau păng du ntil ndơ geh ntôn lah ndrak nsiu mpeh Triều Tiên ƀư. Nau pănh phao ŭnh mhe aơ geh tâm rnôk Tổng thống Mỹ Joe Biden ndrel Tổng thống Hàn Quốc Yoon Suk-Yeol lôch pơh rlau aơ tâm di nau mra ƀư nau ntĭm nti tahen nsum têh âk lơn, nkre ntrŭnh tay ăp ntil ndrak nsiu phao blau mhe bah Mỹ lah ŭch dŏng, gay ma njrăng nau kan Triều Tiên n’hao nau leo dŏng ndrak nsiu./.

Nŭih rblang: H’Thi