VOV4.M’nông-Hãng thông tấn trung ương Triều Tiên KCNA nar 11/3 mbơh nău nuĭh leo kan Triều Tiên Kim Jong Un kuăl đă pơk hvi ntŭk pănh grăp phao ŭnh bôk ndrek rgŏ play neh ICBM jêng du ntŭk kan dŭt ueh mhe, njêng bôk nău kan ntơm gay ma njêng ngih dak dŭt têh pah kan ta ka lơ trôk. Nău mbơh bâh nuĭh leo kan Triều Tiên geh ndơ̆ mbơh ta rơh tât khâl bâh păng tât ntŭk pănh vệ tinh Sohae- ntŭk dơi geh dŏng gay ma ndơ̆ vệ tinh tât quỹ đạo, tâm ban kơt dŏng ăp rơh rlong êng geh tât công nghệ grăp phao ŭnh.Wa Kim Jong Un kuăl đă ntrôl ngăch trong kan ƀư ueh mhe ăp công nghệ nkra njêng grăp phao ŭnh mô nteh, ndơ pănh ta trôk n’hanh pơk hvi ntŭk pănh gay mka mât đăp mpăn an lah âk ntil grăp phao ŭnh êng dơi geh pănh da dê nsĭt leo ăp vệ tinh têh dăng êng, geh nđâp vệ tinh uănh nđôi mpeh n’gâng kan tahen.

Nuĭh rblang: Thị Đoắt