VOV4.M'nông: Triều Tiên nar ntri (15/4) khuh n'gôr ƀư nkah ndray 110 năm nar deh bah drô kruanh Kim Nhật Thành. Nar 15/4 lah ngoăy tâm ăp nar dơi uănh lah dŭt khlay tâm ăp nar lễ chính trị ta Bình Nhưỡng, hôm dơi kuăl lah “Nar Măt nar”. Tĭng nău way, Triều Tiên way ƀư tâm nar 15-4 ma du rơh n'grĭng tahen gay mbơh ndrak nsiu mhe, mô dơn nê ma hôm rlong hạt nhân đŏng. Yơn năm aơ, ăp ndơ nkoch trêng nău lư dak dja mô nkoch tât du rơh n'grĭng tahen đêt. Măng nơh, Triều Tiên hŏ pănh pháo kao n'hanh ƀư rơh nkơnh têh ta thủ đô Bình Nhưỡng. Âk nuĭh ƀon lan thủ đô Bình Nhưỡng hŏ tât n'hơr an kao si ta ndah rup kông bah drô kruanh Kim Nhật Thành n'hanh drô kruanh Kim Châng In (Kim Jong Il). Âk nău kan mbah rhơn ƀư ta ăp n'gor êng êng lam dak Triều Tiên đŏng kơt n'gluh an dŏng tem nkah ndray, ƀư lễ hội chrang ŭnh, n'hơr an kao si./.

Nuĭh rblang: Điểu Thân