VOV4.Mnông- Ntŭk kan mbơh nău mhe Triều Tiên KCNA nar 8/2 an gĭt, rơh rƀŭn nchră tal 6 bâh hội đồng nhân dân gâl têh khóa 14 mhe lôch tă 2 nar rƀŭn nchră, đah nău tâm ton an geh hun hao wăng sa n’hanh ƀư rgâl mhe nău rêh an ƀon lan. Rơh rƀŭn nchră geh ƀư tâm rnôk Triều Tiên dôl tâm rdâng đah ăp nău jêr jŏt yor nuh srê Covid-19 n’hanh ăp nău đă rmal lam ntur neh geh tât bôk nău kan hạt nhân n’hanh grăp ŭnh bôk ndrak bâh dak aơ. Ta rơh rƀŭn nchră, Thủ tướng Triều Tiên Kim Tốc Hun an gĭt chính phủ dak aơ geh nău nchrăp ndâk nsơm nău kan tơm an nău nchrăp 5 năm, tâm nĕ ăp n’gâng kan tuch tăm công nghiệp loih n’hanh ăp ntil dak si lah ăp nău tâm rgop tơm. Wa Kim Tốc Hun lĕ geh mbơh mbra ntrôl ăp nău nsrôih ndâk nsơm nău tăch rgâl n’hanh n’hao nău pah kan mât ndơ sông sa gay ma mât ueh ơm ndơ sông sa an rnăk vâl nuĭh ƀon lan.

Nuĭh rblang: Thị Đoắt