VOV4.M’nông - Hãng truyền thông ngih dak KCNA ôi (17/5) ndơ̆ nău Triều Tiên lĕ rgŏ jă tahen gay tâm pă dak si gay njrăng n’gang srê Covid-19 n’hanh mbơh ƀư rlău 10.000 nuĭh kan dak si gay uănh nđôi ăp F1 gay nchăng n’gang srê ntưp rêng. Ngih pah kan njrăng n’gang srê ndăn gưl ngih dak an gĭt tay rlău 269.000 nuĭh geh ăp nău ji duh, n’hao hao bơi 1.500.000 nuĭh. Rnoh nuĭh khĭt hao 56 nuĭh. Aƀaơ mô hŏ gĭt geh ndâk âk nuĭh uănh năl ntưp đah Covid-19. KCNA ndơ̆ nău, du rmôt têh geh quân y lĕ dơi ƀư gay ntrôl dăng pă dak si ta thủ đô Bình Nhưỡng, tĭng nău đă bah nuĭh kruanh Kim Chư Ưn. Ăp nău nsrôih joi dơi ntrôl dăng, đah nklăp 11.000 cán bộ dak si, nai n’hanh sinh viên y khoa râng “but uănh săk soan lăp jru an lĕ rngôch nuĭh ƀon lan” ta lam dak gay joi n’hanh săm ăp nuĭh geh duh.

Nuĭh rblang: Y Sưng Phê Ja