VOV4.M’nông- Tâm 2 nar 30 n’hanh 31/3, Trung Quốc mbra geh ƀư rơh rƀŭn nchră kruanh n’gâng kan nchră nău đah dak bah dih ăp dak kiau meng bâh Afghanistan tal 3. Rơh rƀŭn nchră đah nău tât râng kan bâh ăp rkuanh n’gâng kan nchră nău đah dak bah dih mô lah ndơn kan ăp dak Pakistan, Iran, Nga, Tajikistan, Turkmenistan n’hanh Uzbekistan. Kruanh n’gâng kan nchră nău đah dak bah dih Trung Quốc an gĭt, bâh rơh rƀŭn nchră, dak aơ ŭch njêng nău tâm ban đah ăp ngih dak kiau meng tâm nău Afghanistan. Aơ lah rơh nkhêp gay ma ăp ding tâm nchră mpeh ăp ntrong kan mât đăp mpăn n’hanh kơl an nuĭh ƀon lan Afghanistan. Rơh rƀŭn nchră kruanh n’gâng kan nchră nău đah dak bah dih dak kiau meng bâh Afghanistan geh ƀư kanŭng bar pe nar lôch rơh tât khâl bâh kruanh n’gâng kan nchră nău đah dak bah dih Trung Quốc Vương Nghị tât Afghanistan ta pơh tât tay.

Nuĭh rblang: Thị Đoắt