VOV4.M’nông- Tĭng nău dăn đă bâh Trung Quốc, Hội đồng mât uănh ntŭk kan ŭnh nar nguyên tử IAEA mbra geh tâm nchră êng mpeh nău tâm kơl duk mŭr hạt nhân đah Anh-Mỹ-Australia đah nău kan du bôk nău na nê̆, nkre lah Trung Quốc kuăl đă mât đăp mpăn trong mô mbơh tơih hạt nhân, mât đăp mpăn n’hanh rnă njrăng lam ntur neh. Nuĭh ntoh ngơi kruanh n’gâng kan nchră nău đah dak bah dih Trung Quốc an gĭt, Trung Quốc lĕ âk tơ̆ lah na nê̆ nău tâm kơl duk mŭr hạt nhân đah Mỹ, Anh n’hanh Australia mbra ƀư jêng mbơh tơih dŏng âk phao blêu hạt nhân, geh mô ueh tât trong kan mô dŏng hạt nhân lam ntur neh, n’hao nău tâm rlong phao blêu n’hanh ƀư rai nău đăp mpăn, ta nkual. Anh-Mỹ-Australia an geh nău kan ƀư tĭng mô mbơh dŏng hạt nhân, kơl an mô di njrăng nău tâm nchră đah ăp chính phủ. Ê lor ăp ding dơi geh tâm ban, mô an geh ƀư tâm kơl ta trong kan duk mŭr hạt nhân.

Nŭh rblang: Thị Đoắt