VOV4.M’nông: Lơ 16/5, N’gâng kan nchră nau Trung Quốc kuăl jă rmôt 7 dak geh jâng văng sa hun hao ngăn bah lam ntur neh (G7) rgum tâm nau ndâk ndrel ƀư ân nâp nau đăp mpăn, nsrŭng lơi ăp nau nchâp đă tay nau mhal ƀư khuch tay nau tâm rkeh đah ăp dak. Ntoh nau tâm rơh rƀŭn vay tĭng khay tâm lơ 16/5, nŭih ntoh ngơi bah N’gâng kan nchră nau Trung Quốc Triệu Lập Kiên kuăl jă ăp dak G7 ngăn ngên rgum tâm nau hun hao nâp nâl bah lam ntur neh, nsrŭng dŏng ƀư ăp nkô̆ nau bar ntil kan mô lah âk nau dơi, ndrel nsrŭng nau ƀư leo hăn kơl an ndrak nsiu ƀư ntoch jong tay nau tâm lơh đah Nga-Ukraine. Nau ton lah bah Kruanh n’gâng kan nchră nau Trung Quốc ndŏ luh jêh rnôk rmôt Kruanh n’gâng kan ăp dak G7 bah năp nê hŏ ton mât nau kơl an Ukraine mpeh tahen ndrel rnă njrăng, pơk hvi trong mhal rƀŏng tâm ăp nau kan văng sa ma Nga nsing tâm dak ba dih./.

Nŭih rblang: H’Thi