VOV4.M’nông - Ôi 5/7, Groi Thủ tướng Trung Quốc Lưu Hạc, Kruanh mpôl tâm nchră bah Trung Quốc râng tâm nchră wăng sa lĕ rngôch Trung-Mỹ lĕ geh rơh điện tâm nchră tă bah video đah Kruanh n’gâng kan Prăk kaih Mỹ Janet Yellen. Tĭng truyền thông Trung Quốc, ăp rơh tâm nchră đah kruanh gưl prêh Trung-Mỹ dơi ƀư tĭng nău đă bah Washington. 2 ding lĕ tâm rgâl nău mĭn êng ngăn ngên n’hanh sŏng dăng mpeh nu nău wăng sa têh n’hanh nău đăp mpăn bah công nghiệp, trong pă manh lam ntŭr neh. 2 ding an lah jêng wăng sa lam ntŭr neh aƀaơ dôl rdâng đah ntŭl rlong hô, nău n’hao tâm ôp tâm ngơi n’hanh tâm rgop nău kơl têh đah Trung Quốc n’hanh Mỹ geh nkô̆ nău khlay, ndrel mât nău đăp mpăn bah công nghiệp n’hanh trong pă manh lam ntŭr neh geh uĕh an lĕ 2 dak n’hanh lam ntŭr neh.

Nŭih blang: Y Sưng Phê Ja