VOV4.M’nông- Nar 26/5, Trung Quốc n’hanh Nga lĕ dun nău nghị quyết yor Mỹ nchih rgum gay ma n’hao ăp nău rmal bâh Liên hợp quốc đah Triều Tiên yor dak aơ ƀư ăp rơh rlong pănh grăp phao ŭnh bôk ndrak. Rlău ma Trung Quốc n’hanh Nga dun, 13 dak kan ndrel êng bâh hội đồng bảo an LHQ lĕ nklăch phiếu kơl an nghị quyết aơ. Rơh nklăch phiếu ta Hội đồng bảo an geh ƀư 1 nar lôch rnôk Triều Tiên pănh 3 grăp phao ŭnh. Đại sứ Nga ta LHQ Vaxili Nêbendia an lah nău mbơh tơih ăp nău rmal mhe đah Triều Tiên mbra lah trong hăn tât trong dŭt. Tâm rnôk nĕ, Đại sứ quán Trung Quốc Trương Quân rĭ an lah ăp nău rmal mhe ntop đah Triều tiên mbra mô geh kơl ueh ma mbra jêng tât ăp nău kan mô ueh n’hanh n’hao nău tâm rdâng.

Nuĭh rblang: Thị Đoắt