VOV4.M’nông- Ntoh ngơi ta rơh rƀŭn nchră bôk nău mât đăp mpăn hun hao, đăp mpăn nău ƀư tơm ntŭk tăch rgâl, mât đăp mpăn nău kan geh leo ƀư mhe aơ, Thủ tướng Trung Quốc Lý Khắc Cường lah na nê̆ an geh nsrôih ndơ̆ nău wăng sa ơm plơ̆ tay kơt ơm. Thủ tướng Trung Quốc Lý Khắc Cường rnê, n’gâng kan wăng sa Trung Quốc leo kan ueh tâm 2 khay bôk năm aơ yơn lah yor geh ăp nău tât ndal kơt rơh ntoh luh bâh nuh srê mhe n’hanh rgâl mhe nkô̆ nău lam ntur neh, du đê̆ rnoh mbrô wăng sa lĕ hŭch âk kơp bâh khay 3, ngăn lah tâm khay 4. Thủ tướng Trung Quốc lah na nê̆, an geh răng dăng dŏng nău rgâl mhe gay ma doh rklaih ăp nău jêr dôl geh tât, rgum ta nău đăp mpăn hun hao, nău pah kan n’hanh nău rêh plơ̆ tay kơt ơm bâh nuĭh ƀon lan đah nău đăp mpăn ntŭk tăch rgâl n’hanh ƀư tĭng ăp nău kơl kan tâm rgop n’huch rnoh thuế, mplơ̆ thuế, gay ma ăp nău kơl kan mbra dơi geh ƀư tŏng ăp.

Nuĭh rblang: Thị Đoắt