VOV4.M'nông: Kêng măng (4/3) Tâm nchră Chính trị Hiệp thương Ƀon lan Trung Quốc, way kuăl lah Chính hiệp - nhih pah kan nsŏng kơl chính trị dâk bôk năp bah dak dja hŏ ntơm pơk rơh hop rgum lam lĕ rngôch tâl prăm khóa 13 ta thủ đô Bắc Kinh, Trung Quốc. Tổng Bí thư, Kruanh Trung Quốc Tập Cận Bình ndrel ăp kruanh rđău kan Đảng, Ngih dak n'hanh bơi 2000 nuĭh ntơh măt hŏ râng lễ ntơm pơk. Ta rơh hop dja, bah meng nău tâm nchră Mbơh pah kan chính phủ đah nău ndơ̆ luh ăp rnoh ŭch tât kan hun hao na nê̆ tâm năm 2022, ăp nuĭh râng mbra ndơ̆ luh âk nău dăn đă đah ăp trong n'glêh an khlay geh tât chính trị, wăng sa, rêh jêng kon nuĭh ta Trung Quốc. aơ lah rgum nchră gay ăp nuĭh râng ndơ̆ luh ăp đề án, nău dăn đă, mô dơn ring tam na nê̆ tât ăp ntil nău rêh bah Trung Quốc, ma hôm tât nău geh bah nsum mpôl dak bah dih đŏng, lơn lah ăp nkô̆ nău mpeh trong kan wăng sa, tâm boh dak bah dih. Rơh hop Chính hiệp năm aơ nchrăp ƀư tâm 6 nar n'hanh dŭt jêh tâm ôi 10/3./.

Nuĭh rblang: Điểu Thân