VOV4.M'nông: Ta rơh hop mha êng mpeh nkô̆ nău Ukraine tă bah Hội đồng nhân quyền Liên hợp quốc ƀư nar 12/5, Nuĭh ntơh măt bah Trung Quốc ta Liên Hợp quốc Trần Húc lah rjăp ŭch tĭng nău tâm nchră, mât njrăng kon nuĭh n'hanh nuĭh ƀon lan Nga n'hanh Ukraine. Trung Quốc geh trong rƀŏng uănh khlay ƀư tơm n'hanh lam lĕ rngôch neh dak bah ăp dak, tâm nê geh Ukraine, tĭng nău way n'hanh uănh khlay trong kan bah Hiến chương Liên Hợp quốc, uănh khlay tât rnă njrăng tâm di bah lĕ rngôch ăp dak n'hanh ŭch tĭng ăp nău nsrôih nkra đăp mpăn ăp rơh duh jêr. Wa Trần Húc lah rjăp, ntrŭt ntrôl rlu pănh ơm n'hanh dŭt bah tâm lơh tâm su lah nău mpŏng khlay bah lam ntŭr neh. Trung Quốc ŭch tĭng lĕ rngôch ăp trong nkra n'hanh nău mĭn mhe an nău nkra rơh duh jêr kơl nuĭh ta Ukraine.

Nuĭh rblang: Điểu Thân