VOV4.M’nông- Ôi nar 10/3, ta Đại lễ đường Nhân dân ta thủ đô Bắc Kinh bâh Trung Quốc lĕ geh ƀư rơh rƀŭn nchră nglôch lôch rƀŭn nchră tal prăm rơh rƀŭn nchră chính trị Hiệp thương Nhân dân lam dak khóa 13. Tât râng rơh lễ geh Tổng Bí thư, kruanh Trung Quốc Tập Cận Bình, Thủ tướng Lý Khắc Cường, kruanh Quốc hội Lật Chiến Thư, kruanh chính hiệp Uông Dương ndrel đah âk nuiđh leo kan gâl têh êng n’hanh rlău 2.100 ủy viên Chính hiệp lam dak khoa 13, ndơn kan an ăp nuĭh ƀon lan tâm ntŭk rêh jêng Trung Quốc. Ntoh ngơi ta rơh nglôch lôch, kruanh Chính hiệp Uông Dương lĕ mbơh na nê̆ nău đă bâh nău pah kan chính trị Hiệp thương tâm năm 2022. Ta rnôk ƀư rơh rƀŭn nchră, ăp đại biểu lĕ hăn na nê̆ tâm nchră âk văn kiện khlăy, nsrôih ndơ̆ mbơh âk nău dăn đă, trong kan n’hanh nău nchrăp kan gay ma mbơh tơih lĕ rngôch nău kan tơm khlăy bâh Đảng n’hanh chính phủ Trung Quốc tâm năm 2022, bâh nĕ ntop ntrôl an hun hao nâp nâl bâh n’gâng kan wăng sa Trung Quốc tâm rnôk geh nuh srê n’hanh â nău duh jêr lam ntur neh.

Nuĭh rblang: Thị Đoắt