VOV4.M'nông: Thủ tướng Ukraina mbơh, Ukraina mô dơi tĭng ƀư ăp nău nkol tâm boh tay kơt ơm ma Tổng thống Nga Putin hŏ ndơ̆ luh. Bộ Ngoại giao Ukraina mbơh njrăng lor đŏng nuĭh ƀon lan dak dja dôl gŭ ta Nga jêng sĭt luh. Păng njuăl nău lah uĕh tât ăp nuĭh Ukraina hôm nkân nkân đŏng, yor nău dja an neh dak mât dơi nô nău wăng sa n'hanh wăng sa têh đăp mpăn. Bah năp nê, Tổng thống Nga Vladimir Putin hŏ nkoch luh du đêt nău nkol gay plơ̆ tay kơt ơm tâm boh đah Ukraina. Tĭng păng, nău dja mô dơi ƀư, lah n'gâng kan Ukraina ŭch tĭng lôch jêh ôp srĭng nău ƀon lan ta Crimea, dun lăp tâm NATO n'hanh hăn tât ƀư bah n'hao tahen neh dak ta du rnoh nê nơh. Nău mbơh bah Tổng thống Putin dơi ndơ̆ luh tâm rnôk, Nga kơp dơn nău đăp mpăn bah ăp dak cộng hòa Donbass./.

Nuĭh rblang: Điểu Thân