VOV4.M’nông: Nŭih kan ntoh măt bah Ukraine ta Hàn Quốc lơ 25/2 mbơh, dak aơ hŏ đă Hàn Quốc kơl an n’hao nau mât đăp mpăn mạng gay ma mât bah năp nau rdôl lơh bah Nga. Tĭng ntoh măt bah Ukraine ta Hàn Quốc, ăp trang web bah ăp ntŭk kan chính phủ dak aơ dôl rdâng đah ăp nau rdôl lơh bah Nga. Du công ty mât đăp mpăn mạng lam ntur neh kŏ mbơh du phần mềm lơh rai dơi geh ntoh dôl ma ƀư ta Ukraine ndrel hŏ lơh ma rhiăng máy tính, tâm di nau lơh rdâng mạng rƀŏng tâm neh dak aơ. Ukraine dôl kuăl jă nsum mpôl lah ntur neh ntoh nau tâm rnglăp đah ăp nau kan nchâp đă nau mhal tâm Nga ndrel kơl an tơm prăk, tahen ndrel ndơ dŏng, kŏ kơt lah nau kơl an ân Ukraine./.

Nŭih rblang: H’Thi