VOV4.M'nông: Ủy ban Châu Âu (EC) nar ntri (27/4) an gĭt nchroh ntơm bah 60% tât 80% rnoh nuĭh Liên minh châu Âu hŏ ntưp COVID-19 tâm rnôk lam mpôl dja hŏ nchrăp luh bah rơh jăch ndăn tă bah nuh srê n'hanh nău uănh năl du rơh mbra mô hôm khlay. Tĭng Ủy viên Y tế châu Âu Stella Kyriakides, an nchrăp an rơh đêt jăch ndăn lơn, ăp chính phủ ân ntrŭt ntrôl ăp trong chuh n'gang, lơn lah ta kon se, yơn mô dơi an uănh lhơ bah năp geh ma nău plơ̆ ntoh mhe tay n'hanh plơ̆ tay nău jăch ndăn lah geh nău khlay. Trong kan bah Ủy ban châu Âu lôch bah kơi jăch ndăn bah nuh srê rgum tâm nău njêng ăp ntil dak si mhe rdâng lơh tay COVID-19, lơn lah dak si chŏl kaman geh nău tam lơn n'hanh ăp ntil vaccine mhe njêng tay njrăng n'gang COVID-19 đah nău dơi tam jŏ lơn n'hanh dăng lơn./.

Nuĭh rblang: Điểu Thân