VOV4.M'nông: Nar 18/4, Ủy ban thường vụ Đại hội Đại biểu Ƀon lan lam dak (Quốc hội Trung Quốc) khóa XIII hŏ ntơm rơh hop tâl 34 gay uănh năl âk trong nchrăp luật n'hanh trong nchrăp rgâl nkra luật. Bôk nău kan nchrăp lor bah rơh hop dja lĕ ma uănh năl du trong nchrăp luật mpeh mât uănh ntŭk tăch rgâl chứng khoán geh tât ăp ndơ chứng khoán phái sinh n'hanh hợp đồng tương lai n'hanh du đêt trong nchrăp luật mpeh mât ndray neh nđôch; ăp trong nchrăp rgâl nkra đah Luật mpeh ntĭm nti rƀŏng nău kan, Luật mpeh ntĭm nti thể chất n'hanh thể thao, Luật mpeh mât njrăng nău dơi n'hanh nău geh bah bu ur. Ăp nuĭh njêng pháp luật Trung Quốc mbra mĭn uănh di ăp quy định geh tât rơh bầu cử quốc hội khóa XIV n'hanh uănh an dŏng Công ước mpeh nuĭh kan nchâp đă năm 1930 n'hanh Công ước mpeh jut jăng nuĭh kan nchâp đă năm 1957 bah Nhih pah kan mât uănh bôk nău kan (ILO), ndrel du đêt trong nchrăp luật n'hanh nău mbơh êng ƀa ƀă./.

Nuĭh rblang: Điểu Thân