VOV4.M’nông: Ăp rnih mrô kơp uănh mbơh lơ 2/3 ân saơ, jâng văng sa Australia hŏ ndâk tât bah năp rnôk geh srê tâm rnôk nau hun hao 3,4% tâm 4 khay dŭt năm e. Ntŭk kan kơp uănh Australia mbơh, jâng văng sa dak aơ hŏ geh tâm rnoh hun hao dăng ngăn kơp ntơm khay 3/1976 rnôk GDP hao tât 3,4% tâm 4 khay dŭt năm 2021. Lah rđil đah rnoh hun hao mô tât 1,9% tâm 3 khay bah năm 2021 rnôk âk nkuăl ƀon têh têh geh nchueng rdâng jŏ nar yor nau ntưp rêng bah kman Delta ri mra dơi saơ nau hun hao bah jâng văng sa Australia. Rnoh hun hao GDP bah 4 khay mhe rlau hŏ ƀư jâng văng sa bah Australia hao 4,2% tâm năm 2021 ndrel geh rnoh âk lơn lvang năm 2019 bah năp rnôk geh srê. Nau ngăn lah, nau rgop tâm rnoh hun hao aơ lah rnoh dŏng tâm dak đah 2,9%./.

Nŭih rblang: H’Thi