VOV4.Mnông- Nar 16/1, Tổng thống Venezuela Nicolas Maduro an gĭt, n’gâng kan wăng sa bâh dak aơ hun hao rlău 4% ta năm 2021, lôch 8 năm tŭp rŭch n’hanh lạm phát âk. Tâm nău ntoh ngơi ta năp Quốc hội, wa Maduro mô nkoch tât rnoh mpeh lĕ rngôch ndơ geh tâm dak GDP n’hanh an gĭt, nău wăng sa Venezuela dôl sŏk tay nău hun hao bol ma geh Mỹ nchueng rvêl. Tĭng ngân hàng Trung ương Venezuela, dak aơ lĕ bah nău lạm phát dŭt hô rnôk chính phủ ntrŭnh an lhoi ăp ntrong kan mât njrăng nău wăng sa ta năm 2019 n’hanh an dŏng prăk dak bah dih âk lơn. Tĭng nĕ, lạm phát tâm khay 12 năm e kanŭng ta rnoh 7,6%. Aơ lah khay tal poăn mbro nău lạm phát tĭng khăy bâh ngih dak Nam Mỹ aơ ba dâng 10%.

Nuĭh rblang: Thị Đoắt