VOV4.M’nông – Tổng thống Venezuela Nicolas Maduro lĕ mĭn lah tay nău ton bah rmôt cách mạng Bolivar hăn tât nău ndâk njêng du xã hôi chủ nghĩa rgum tâm nău geh bah nuĭh ƀon lan. Ntoh ngơi bah năp âk nuĭh ƀon lan ta ƀư nkah gĭt nar liên minh dân sự-tahen lơh dơi nău rlơt n’glưh nar 11/4/2002 n’hanh rdâk nkra đăp mpăn Hiến pháp ta Venezuela, Tổng thống Maduro mĭn lah: “He mbra hăn tât nău uĕh lăng mhe, tât lvang mhe bah nău geh uĕh lăng, tât chủ nghĩa xã hội rup ndah Bolivar”. Bah năp măt, Chính phủ Venezuela mbra n’hao ăp nău nsrôih rdâk nkra tay nău ƀư bah lĕ rngôch ăp gưl nti, ăp ngih sam ƀŭt đại học ta lam dak, nkre ntrôl nău ƀư “Nău kan dak si tâm nkual ƀon têh”. N’gâng kan Venezuela dôl ƀư têh dăng gay rdâk nkra prăk khay n’hêl na nê̆ bah nuĭh pah kan n’hanh uănh nău hao ntoh mhe, kơt soan rwăt bah ăp nuĭh rlu ranh.

Nŭih blang: Y Sưng Phê Ja