VOV4.M'nông: Hội đồng Bảo an Liên hợp quốc mhe ƀư rơh hop mpeh nkô̆ nău ji ngot n'hanh tâm lơh tâm su. Ăp nuĭh rnâng kan an lah nău khuch bah tâm lơh tâm su ta Ukraine dôl tât khuch hô đah lam trong kan ndơ sa lam ntŭr neh, lơn lah đah ăp dak ơm hŏ geh tât khuch tâm lơh tâm su kơt Afghanistan, Syria, Yemen, Ethiopia, Somalia n'hanh Nam Xu-đăng. Âk dak lah rjăp nău khlay bah nău n'hao âk ton kơl an ăp bôk nău kan ndơ sa, kơl nuĭh. Lah ta rơh hop, Đại sứ Đặng Hoàng Giang, Kruanh mpôl rnâng kan Việt Nam ta Liên hợp quốc kuăl jă ăp dak lam ntŭr neh nsrôih âk gay nkra bah ji ngot n'hanh tâm lơh. Đại sứ nkre rhơn rnê ăp nău nsrôih mhe aơ bah Liên hợp quốc, Nhih pah kan ndơ ngêt sa n'hanh phe ba Liên hợp quốc, Bôk nău kan ndơ sa lam ntŭr neh, ăp băl tâm boh kơl nuĭh ta âk ntŭk./.

Nuĭh rblang: Điểu Thân