VOV4.M'nông: Rơh hop Uỷ ban Tâm boh hun hao ASEAN-Italia tâl 2 ƀư nar 10/6 ta Nhih pah kan Ban Thư ký ASEAN, Gia-các-ta, Indonesia. Đại sứ Nguyễn Hải Bằng- Kruanh mpôl đă hăn kan Việt Nam ta ASEAN râng rơh hop. Ta rơh hop, ăp Đại sứ ASEAN rhơn rnê ăp nău ton bah Italia đah ASEAN n'hanh nkual ma ăp nău dăn đă trong nchrăp mhe, rgop ntrŭt ntrôl lơn đŏng tâm boh Hun hao ASEAN-Italy, kơp ntơm bah rnôk ASEAN n'hanh Italia njêng tâm boh tâm khay 9/2020 tâm năm Kruanh ASEAN bah Việt Nam. Bar ding hŏ tâm ban ŭch uănh an dŏng si ƀŭt mpeh trong tâm boh ngăn ngăn (PCA) ASEAN-Italia lvang năm 2022-2026. Aơ lah si ƀŭt khlay, njêng suan ntrôl n'hanh rgop trong rƀŏng an ăp nău kan tâm boh na nê̆ bah ASEAN n'hanh Italy ta lĕ 3 n'gâng tơm: Chính trị - rnă njrăng, wăng sa, n'hanh Văn hoá - rêh jêng kon nuĭh./.

Nuĭh rblang: Điểu Thân