VOV4.Mnông - Wa Emmanuel Macron lĕ geh nău dơi ta năp wa Marine Le Pen ta rơh 2 săch Tổng thống Pháp đah nău tâm bâh têh n’hanh geh săch ƀư kruanh tay, leo kan dak Pháp tâm 5 năm tay. Tĭng nău geh bôk năp geh mbơh nar 24/4, tĭng mông ta ntŭk, nuĭh mât nău kan Tổng thống Pháp Emmanuel Macron lĕ geh dơn 58,8% rnoh phiếu ăch, tâm rnôk nuĭh kan ndrel lah ứng cử viên tĭng trong nsum, wa Marine Le Pen kanŭng geh 41,2% rnoh kơl an. Tâm năm kan tal 2, Tổng thống Pháp Emmanuel Macron mbra geh tâm rdâng đah âk nău ntul rlong têh. Năp lor lah plơ̆ nthoi tay, an bah tâm nglah bâh dak Pháp lôch rơh săch kruanh, lôch nĕ lah ăp nău mpeh rgâl mhe nău rvăt ndơ dŏng bâh ƀon lan, joi trong an rơh tâm rkeh Nga- ukraine, ntrôl ăp nkô̆ mpŏng kan mpeh rgâl trôk nar mih sial, n’huch bah roh nău  mô geh nău kan, rgâl mhe năm rlu ranh.

          Nuĭh rblang: Thị Đoắt