VOV4.Mnông- Nuĭh kan Tổng thống dak Cộng hòa Timor Leste, wa Francisco Guterres ‘Lu Olo’ ntơm geh mbơh, mbra geh tâm rlong rơh săch kruanh Tổng thống năm kan 2022-2027. Tâm nău mbơh bâh nơm, Tổng thống Lu Olo mpơl nău ŭch mbra tâm rlong n’hanh mât nâp tay nău kan Tổng thống ma păng dơn kan tâm lĕ 5 năm ba năp. Păng lah na nê̆ nơm geh tŏng nău dơi gay ma tâm rdâng đah ăp nău tât, njrăng rdâng sa nkhiăn sa ƀer n’hanh bôk nău kan bâh neh dak, tâm di đah nău tâm knơm bâh nuĭh ƀon lan ta du ntŭk rêh jêng geh nău ƀư tơm. Păng ton mbra tât tâm rlong ƀư Tổng thống du tơ̆ tay yor nuĭh ƀon lan tâm lvang năm 2022-2027 n’hanh knơm an lah păng mbra geh nău dơi ta rơh săch Tổng thống kanŭng ta rơh săch kruanh bôk năp.

Nuĭh rblang: Thị Đoắt