VOV4.M’nông - Ntơm bah nar 10/5, Tổng thống tal 20 bah Hàn Quốc Yoon Suk-yeol na nê̆ ntơm năm kan. Wa Yoon Suk yeol lah nuĭh lĕ dăng tâm rơh săch Tổng thống ta Hàn Quốc ƀư tâm nar 9/3 mhe rlău. Bah nar 10/5, pơng na nê̆ jêng kruanh neh dak, djôt bôk ntĭm rđău tahen, dơi jao an nău kan pháp lý bah Tổng thống n’hanh nău ƀĭt joet neh dak. Nău kan bôk năp bah Tổng thống mhe lah djăt nău mbơh bah Hội đồng tham mưu trưởng liên quân ta boong-ke bah dâng ntŭk pah kan bah Tổng thống. Ndrel rnôk aơ lĕ ƀư mbơh đah n ăm kan bah Tổng thống mhe ta tháp chuông Bosingak ta thủ đô Seoul. Lor rnôk râng ƀư dơn kan, Tổng thống mhe lĕ tât râng chop Nghĩa trang neh dak ta Seoul.

Nuĭh rblang: Y Sưng Phê Ja