VOV4.Mnông-Ăp ngih dak ta nkual châu Á, ngăn lah Đông Á- Thái Bình Dương mbra geh tâm rdâng đah 3 nău tât mpeh wăng sa tâm năm aơ, geh nđâp rơh tâm rkeh Nga- Ukraine, nău n’huch ngăch bâh n’gâng kan wăng sa Trung Quốc, ntŭk kan ntêm nkrem Liên bang Mỹ (Fed) hao rnoh prăk kon...Tĭng nău mbơh tơih mhe geh uănh năl bâh n’gâng kan wăng sa Đông Á n’hanh Thái Bình Dương rơh khay 4 năm 2022, ngân hàng lam ntur neh lĕ njŭr nău nchroh mbơh hun hao wăng sa năm 2022 bâh nkual Đông Á n’hanh Thái Bình Dương jur hôm 5% bâh rnoh 5,4% ndơ̆ mbơh ta rơh nchroh mbơh ta năp nĕ. Ngân hàng lam ntur neh mĭn rvê rnoh hun hao bâh nkual aơ mbra jurr tât 4% lah ăp nău tât mbra mô ueh tay, ƀư an 6 rkeh nuĭh khan ta rnoh ach o. Việt Nam lĕ geh nău tât mô ueh đah n’gâng kan wăng sa kơt lah ăp dak tâm nkual. Tĭng ngân hàng lam ntur neh, nchroh hun hao wăng sa Việt Nam geh 5,3% kanŭng lah nău kan tơm, mô ueh lơn lah nău nchroh mbơh kanŭng hôm 4,4%.

Nuĭh rblang: Thị Đoắt