VOV4.M'nông: Nhih pah kan dak si lam ntŭr neh (WHO) nar ntri (25/5) an gĭt, nhih pah kan dja dôl ôp uănh ăp nău lư nuh srê Covid-19 ta Triều Tiên. Bah năp nê, Triều Tiên hŏ mbơh nô nău nuh srê Covid-19 an WHO. Yơn lah, Triều Tiên mô hŏ nkoch kloh mpeh ăp nuĭh ntưp mô lah ăp nău lư mpeh chuh n'gang. Nău ntoh nuh srê ta Triều Tiên ƀư nuĭh ƀon lan klach rvê dak dja mô tŏng geh tơm vaccine n'hanh ăp ndơ dŏng kan dak si; ndrel nău mpă wêl neh dak gay njrăng n'gang nuh srê mbra ƀư lam ntŭr neh uănh khlay lơn mpeh rơh duh jêr mô tŏng ndơ sa ta neh dak 25 rkeh nuĭh dja. Tĭng hãng thông tấn Triều Tiên, nar ntri dak dja geh bơi 116.000 nuĭh mpơl ji kop duh, hŭch rđĭl đah nar bah năp nê 18.000 nuĭh; n'hanh mô geh du hê nuĭh khĭt. Aƀaơ rnoh nuĭh ntưp ta Triều Tiên hŏ rlău 3 rkeh nuĭh n'hanh 68 nuĭh khĭt./.

Nuĭh rblang: Điểu Thân