VOV4.M’nông: Tổng Giám đốc ntŭk kan dak si lam ntur neh (WHO) hŏ kuăl jă ăp dak mât ân ueh ăp nŭih ntưp srê Covid-19, nkre nkah nau roh nau mbơh mpeh nau kan ntưp rêng bah kman yor nau ƀư xét nghiệm n’huch. Tổng giám đốc WHO mbơh, âk dak n’huch nau xét nghiệm, WHO nar lơn ma ndơn geh đê̆ ngăn nau nkoch mpeh nau ntưp rêng ndrel mô geh năl ăp ntil Gen. Nau kan aơ ƀư lam ntur neh mô dơi mât nau geh ntưp ndrel nau geh jêng bah kman. Tĭng ăp nŭih nchră nau, ăp nŭih ntưp âk ngăn tâm ăp dak hŏ n’huch oi, hôm ntơm 70 tât 90%. Bah năp nau ntrŭnh bah EU tâm nau ntrơn luh bah nau kan ndal bah srê Covid, nŭih dâk bôk ntŭk kan dak si ndal bah WHO, ân lah, rnôk aơ ê tâm di lah rnôk ‘n’huch nau rgum mpeh kman” ma hôm ân geh n’hao nau nkah, ƀư ăp nau kan gay ma n’huch rnoh nŭih ntưp./.

Nŭih rblang: H’Thi