VOV4.M'nông: Nhih pah kan dak si lam ntŭr neh (WHO) mhe aơ mbơh rnoh nchih rgum nău lư, ntơm bah nar 13/05 tât 02/06 dơm, hŏ năl geh 780 nuĭh ntưp ji rtoh luh dôk ntưp rêng ta 27 dak lam ntŭr neh. Tâm nê, Anh năl geh rnoh nuĭh ntưp ji rtoh luh dôk dŭt âk đah 207 nuĭh. Kơp tât lĕ nar 02/06, rnôk mô hŏ năl geh du hê nuĭh ntưp khĭt tă bah nău ji dja. Tĭng WHO, nău lư mpeh nău ntưp rêng aƀaơ dơi năl lơn âk ma trong tâm dŏng. Nhih pah kan dak si lam ntŭr neh mbơh njrăng lor kaman ƀư jêng nău ji rtoh luh dôk mbra ntưp rêng tay ta ăp dak êng ƀa ƀă. Bol ma aƀaơ geh ma nău ntêt nkri n'hâm suan lam nuĭh đêt, yơn geh ma nău ntoh khĭt hô lah kaman ƀư jêng nău ji rtoh luh dôk ntưp hô ta ăp dak mô hŏ tă năl geh ntưp nău ji dja./.

Nuĭh rblang: Điểu Thân