VOV4.M'nông: Nhih pah kan dak si lam ntŭr neh (WHO) nchroh hŏ geh bơi 15 rkeh nuĭh khĭt tă bah COVID-19 mô lah tât khuch bah nuh srê tât lhăt bêng ir nhih dak si tâm 2 năm bôk năp bah nuh srê. Tĭng nău mbơh bah WHO mbơh mhe aơ, lĕ rngôch rnoh nuĭh khĭt geh ta Đông Nam Á, châu Âu n'hanh châu Mỹ. Tổng Giám đốc WHO Tedros Adhanom Ghebreyesus an lah nău nchroh dja di ngăn n'hanh an lah nău ngăn geh dja mbra ntrŭt ntrôl ăp dak ntuh kơl âk lơn tâm nău dơi rdâng lơh jăch ndăn mpeh dak si tâm let năp tay. WHO hŏ jao nău kan an ăp nuĭh khoa học năl di rnoh âk nuĭh khĭt tă bah COVID-19 ntơm bah khay 1/2020 tât kêng dŭt năm e nơh. Nsing tâm nê, ăp nuĭh khoa học ndơ̆ luh rnoh di ngăn lah 14,9 rkeh nuĭh./.

Nuĭh rblang: Điểu Thân