VOV4.M’nông: Kêng măng 8/8 ta Thủ đô Vientine, Lào, N’gâng kan ndâk nkra Việt Nam ndrel Rnâng kan mât bôk nau kan ngih kan Quốc hội Lào mhe hŏ geh hăn uănh gay ma ƀư jêh Ngih kan Quốc hội Lào, ndơ ân an bah Đảng, Ngih dak ndrel ƀon lan Việt Nam pă ân Đảng, Ngih dak ndrel ƀon lan Lào. Ta nar uănh, tơm ntuh kơl, nŭih tơm ndâk nkra, ăp rmôt kan mêt uănh ndrel ăp ntŭk kan n’gâng kan bah bar dak tâm ban nau lah, jêh bơi tât 38 khay nkra, bôk nau kan ngih kan Quốc hội mhe bah Lào hŏ jêh, đăp mpăn nau nkra nâp, nau ŭch dŏng, đăp mpăn ndrel dôl geh tŏng nau ueh, kơl an nau ŭch kan bah Quốc hội Lào. Ngih kan Quốc hội mhe bah Lào geh ndâk tâm neh ngih kan Quốc hội ơm ta Quảng trường Thatluong, Thủ đô Vientiane đah rnoh ntuh kơl bơi tât 112 rkeh đola ndrel rnoh ndâk rlau 7000 m2 geh du dăp tâm nâm neh, mpeh ba lơ 5 dăp. Aơ lah ntŭk geh ăp rơh rƀŭn bah Quốc hội Lào ndrel lah ntŭk pah kan bah rđau kan Quốc hội, chuyên viên ndrel ăp cán bộ ntŭk kan Quốc hội./.

Nŭih rblang: H’Thi