VOV4.M’nông: Nŭih kan ntoh măt bah Mỹ mpeh nau kan ta Iran khâl âk dak nkuăl njônh; Kruanh n’gâng kan nchră nau Iran kŏ dôl khâl ngăn tâm 3 dak Châu Âu-bar rơh khâl aơ kŏ geh nsum du nkô̆ nau lah nchră tâm nchră mpeh ăp nhoat ndâk nau kan ndrak nsiu năm 2015, nhoat hăn nchrăp nau tâm nchră dăch tât ta Viên, Áo jêh âk năm nsrŭng. Kruanh n’gâng kan nchră nau Mỹ mbơh, nŭih kan ntoh măt bah dak aơ mpeh nau kan Iran ntơm hăn tâm nkuăl njônh jong tâm 10 nar. Nau kan jêh nê lah tât ăp dak tiểu vương quốc Ả rập dơn ngoai (UAE) jêh nê tât Israel, A-rập Xê-út ndrel Ba-ranh. Kruanh n’gâng kan nchră nau Irran Ali Bagheri Kani kŏ mâp n’gâng kan nchră nau Anh tâm London, gay tâm nchră nau kan ndrak nsiu bah neh dak Trung Đông aơ. Bah năp rơh khâl Anh, nŭih kan nchră nau Iran aơ kŏ khâl Pháp tâm lơ 9/11 ndrel nchrăp mra tât Đức bah kơi Anh./.

Nŭih rblang: H’Thi