Jêh rnôk ntŭk kan hành chính n’gor Gia Lai trơn sĭt Quy Nhơn, hang rhiăng cán bộ, công chức bah Pleiku lĕ mâp âk jêr jŏt tâm nău hăn nsong n’hanh đăp mpăn nău rêh. Gay ntop kơl, N’gâng kan Xây dựng Gia Lai lĕ tâm ôp tâm nchră ăp rơh ndeh ndơ̆ wơt bah Pleiku hăn Quy Nhơn n’hanh rlơ̆ tay, ntơm bah 3 mông ôi ăp nar.

Aƀaơ nklăp 400 cán bộ, công chức, nuĭh pah kan tĭng trong hăn rlău 160km tât ntŭk pah kan mhe. Đah jŏ jong, n’gor Gia Lai ntrôl dăng mbơh ƀư ăp nău nchrăp ƀư jay gŭ kon nuĭh gay ntop kơl đăp mpăn nău rêh an cán bộ. Nchrăp tât năm 2026, n’gor mbra geh tay nklăp 5.000 mlâm jay gŭ kon nuĭh n’hanh 500 jay gŭ công vụ. Aơ lah nău nsrôih bah n’gâng kan ƀon lan gay đăp mpăn dơi pah kan n’hanh gŭ rêh an rmôt cán bộ, nkre nta an hun hao đăp mpăn ta ntŭk kan hành chính mhe.