UBND n’gor Gia Lai mhe uănh an trong nchrăp ntuh kơl rlău 14.300 rmen prăk lvang năm 2026–2030 gay n’hao têh uĕh ndơ ntrŭp dŏng ntĭm nti ta nkual ƀon lan, nkual jru, nkual ngai, nkual rnoi mpôl đê̆. N’gor n’gluh tât năm 2030 geh dŭt đêt 80% rnoh nhih nti di rnoh gưl neh dak;  ăp kon se nti dơi tât ntŭk ntĭm nti geh nău tâm ban, săk blău. Ăp ntŭk an ƀư ntuh kơl lor lah nkual way geh tât khuch bah trôk nar lơh, nkual geh wăng sa- rêh jêng kon nuĭh jêr jŏt mha êng n’hanh ăp nhih nti tor gĭt lor rnoh di gưl neh dak.

Ndrel đah rdâk njêng mhe hang rbăn jrô nti ta ăp gưl ntơm bah mầm non tât trung học phổ thông, Gia Lai uănh khlay ntuh kơl ăp môn kơt Âm nhạc, Mỹ thuật, Ngoại ngữ, Tin học n’hanh lơn lah jrô nti STEM, tŏng an nău ŭch geh bah Bôk nău kan ntĭm nti phổ thông mhe n’hanh ntrŭt ntrôl rgâl mbrô tâm ntĭm nti. Gay đăp mpăn geh nău dơi ngăn đề án, UBND n’gor Gia Lai jao nău kan na nê̆ an tĭng ăp n’gâng kan n’hanh ăp ntŭk tâm nău ra uănh neh, năl di tay weh ntrŏng, nkre ndop ăp tơm ndơ bah ăp bôk nău kan gưl neh dak.