Kêng măng 9/4, Bộ Tư lệnh Quân đoàn 34 ƀư Tâm nchră đăm gĭt, an ƀư nău kan rgum joi n’hanh năl săk ăp nting tahen ơm khĭt lvang năm 2026–2030. Trong hăn joi "500 nar măng gay ntrôl dăng rgum, joi n’hanh năl săk ăp tahen ơm khĭt” dơi Quân đoàn 34 năl lah nău dơn kan chính trị mha êng.

Tĭng rnoh tât geh, nău dơn kan na nê̆ hŏ dơi jao an tĭng nhih pah kan, đơn vị. Na nê̆, tâm năm aơ rgum joi geh 60 nting tahen ơm khĭt n’hanh tât khay 7/2027, nsrôih rgum geh 100 nting tahen ơm khĭt. Gay tât rnoh ndơ̆ luh, kruanh rđău kan Quân đoàn đă ăp nhih pah kan, đơn vị đăm gĭt n’hanh tĭng ƀư jăp nău way “6 kloh”: kloh nuĭh, kloh nău kan, kloh mông nar, kloh nău dơn kan, kloh ndơ geh ƀư n’hanh kloh nău dơi kan. Rgum tơm lah lor nchrăp kan nsum lhăt đah ăp n’gor, nkual ƀon têh, mpôl tahen ơm n’hanh rnăk wâl gay rgum, nkra nău lư; leo hăn uănh năl, rdâk njêng trong nchrăp rgum joi ngăn ngăn tât ntŭk.