Aƀaơ n’gor Đăk Lăk geh rlău 252 rbăn bu năch manh prăk Ngân hàng chính sách xã hội, đah lĕ rnoh an manh rnon rlău 14.500 rmen prăk. Ăp nuĭh geh manh geh” rnăk ach o, dăch ach o, rnăk dơi kơl, ƀon lan rnoi đê̆, kon hoc- sinh viên, ăp rnăk dơi kơl mpeh pah kan jan sa, tăch rgâl, ngih jay gŭ, dak kloh...An manh prăk kơl an lĕ ntop bah ir geh manh prăk kon khlăy ta nkual njônh ngai, kơl an âk ntŭk ƀư lôch nău mpŏng nkual ƀon lan mhe, bâh nĕ mât đăp mpăn rnă njrăng chính trị, mât đăp mpăn nău rêh jêng ta ntŭk. Yơn lah, nău mbơh tơih Nghị định 78 tât aƀaơ lĕ geh saơ du đê̆ nău mô ueh kơt: rnoh an manh đê̆, du đê̆ bôk nău kan mô hôm tâm di đah nău ngăn, prăk an manh hăn kan ta dak bah dih hôm nha đê̆, prăk kon manh du đê̆ rnoh hôm nha khlăy.

Ta rơh pah kan, ăp nău tâm rgop dăn đă bâh n’gor văr nău n’hao rnoh an manh bâh kon hoc- sinh viên hao tât 100 rkeh prăk/ rnăk vâl, rnoh manh pah kan jan sa, tăch rgâl hao tât 200 rkeh prăk đah rnăk ach o, ntoch mông nar manh đah nuĭh hăn kan ta dak bah dih. Mpôl kan uănh nđôi lĕ geh gĭt nău tâm rgop bâh n’gor Đăk Lăk, n’hanh an gĭt mbra ơm mĭn uănh gay ma geh nău kan an tâm di lơn đah rmôt năch nsum bâh lam dak. Nkre lah, mbra dơi mĭn uănh nău kan, nău kơl kan êng dŏng an n’gor Đăk Lăk, kơt nău dŏng prăk manh bâh ta ntŭk gay ma an manh prăk kơl an.