Nău nchrăp kan geh lĕ dĭng lĕ rnoh ntuh kơl ta ntŭk klâp ma 2.592 rmen prăk, mbơh tơih ta rnoh neh bơi tât 5,6ha, tâm nĕ rnoh neh ƀư nău kan rlău 44 rbăn mét vuông. Hôm e lah an mât trong hăn, tơm si nđir n’hanh ndơ dŏng ntung trong. Nău kan geh 8 rmôt jay prêh bâh 12 tât 15 dăp, geh 7 rmôt ngih jay gŭ ta ntŭk rêh jêng n’hanh 1 rmôt ngih jay pah kan tăch rgâl n’hanh ndrel đah ntŭk pâl an kon se, đah lĕ rnoh klâp ma 1.570 ngih jay, rnoh neh bâh 70 tât 77 mét vuông, tâm di đah ntŭk gŭ an klâp ma 4.500 cán bộ, tahen n’hanh rnăk vâl. Aơ lah nău kan tơm khlăy tâm bôk nău kan hun hao ngih jay gŭ an ntŭk rêh jêng an mpôl kan Công an nhân dân, ntop mât kơl nău rêh, nta nău dơh nơih an cán bộ, tahen đăp mpăn nău kan, dăch bên jŏ jong đah ta ntŭk.