Đah âk trong nkra ƀư n’hanh nơm geh nău rgum dơi ndơ kơl bah lam ƀon lan, tât lĕ pơh dja n’gor Kon Tum hŏ ntlơi jăng dơi rlău du n’gul jay truh sat, nkưp nde. Na nê̆ tât aƀaơ, n’gor Kon Tum hŏ kơl 1.390 rnăk ƀon lan luh bah jay truh sat, nkưp nde, tâm nê geh 1.079 mblâm jay mon mhe n’hanh rnoh jay nkra tay lah 311 mblâm.

Ndrĭ tât rnôk dja n’gor Kon Tum hŏ ntlơi jăng rlău du n’gul tâm lĕ rngôch rnoh 2.752 mblâm jay truh sat, nkưp nde ân dơi  mon mhe n’hanh nkra uĕh tay bah n’gor. Ta nkual n’har bri Sa Thầy, Kon Tum, nkuâl hŏ mon mhe, nkra tay 312/346 mblâm jay. Wa Bùi Văn Quang, Groi Kruanh Uỷ ban MTTQ Việt Nam nkuâl Sa Thầy, an gĭt, nkuâl dôl nsrôih ơm ƀư lôch jêh ntlơi jăng jay truh sat, nkưp nde tâm khay 3 dja.