Lơ 20/3, ta nkuăl Krông Pắk, Dak Lak, ƀư “Rƀŭn nchră bu ur đah pháp luật yor đăp mpăn bah bu ur n’hanh kon se”. Aơ lah nău ƀư mpeh tâm Bôk nău rgop an tâm nchră “Nkoch trêng, ntĭm nti, rgŏ jă, ntop kơl bu ur râng mkra du đêt nău rêh jêng geh tât bu ur lvang 2017-2027”.

Rlău 7 năm mbơh ƀư bôk nău rgop an tâm nchră, ta Dak Lak lĕ geh rlău 1,2 rkeh bu ur n’hanh me bơ̆ geh kon bah dâng 16 năm dơi mbơh an nău wât mpeh nău khlay an mât n’hanh tiăr nti nuih n’hâm nău rêh, gĭt wât tĭng pháp luật; mpeh ntĭm nti ƀư me bơ̆; nău dơi, ƀư tơm bah bu ur tâm đăp mpăn răk uĕh ndơ sông sa; njrăng n’gang tâm lơh rnăk wâl. Ta rƀŭn nchră, ăp đại biểu ndrel tâm nchră nkoch nău blău ơm, ntrong ƀư uĕh, trong ƀư săk rnglăy bah ăp gưl rmôt tâm trong kan nkoch trêng, mbơh rblang, ntĭm nti pháp luật; uănh nđôi ăp nău ngơi tâm ơh tâm rgop, nu nău ngăn dơi ntrong ƀư tâm rgop ăp clip 2 nău ngơi Việt-Ê Đê.